Impaktu Teknologia Informasaun iha Revolusaun Industria 4.0

Revolusaun industria hahuu mosu iha siklu 18, nebee mak hamosu ideias oinsa energia serbisu ema nian troka ho teknologia mekaniku. Ho dezenvolvimentu nebee mak kontinua lao, hamosu kedas revolusaun industria 2.0 nebee mak konyesidu ho implementasaun energia eletrisidade hodi fasilita prosesu produsaun, distribuisaun no comersiu. Impaktu husi implementasaun energia eletrisidade mak hamosu telepone uma, kareta no aviaun. Hare ba dezenvolvimentu teknolojia nebee sempre iha mudansa, maka hamosu Revolusaun industria 3.0 nebe bele habadak dintansia ba fatin no tempu nebee hanaran revolusaun digital. Tamba nee revolusaun industria 3.0 mosu hodi sinkroniza no implementa era digitalisaun nebee mak ita hanaran real time. Ho denzenvolvimentu teknologia nebee mak avansadu iha siklu 21 maka hamosu kedas revolusaun industria 4.0 nebe mak foka liu ba implementasaun teknologia modernu hanesan teknologia fiber optic, Artificial Inteligent (teknologia robotika), Internet of Think (IoT) no teknologia smartphone.

Iha revolusaun industria 4.0, inovasaun sai hanesan xave importante hodi halo kompetividade ba produtu sira iha merkadu. Ho razaun nee, ensinu superior sira iha Timor-Leste presiza kria kondisaun hodi produs rekursu umanu nebee iha kapasidade inovativu iha aspetu hanesan literasi dadus (big data) no literasi teknolojia (Artificial Intellegent). Penetrasaun ba inovasaun nia finalidade mak sei foo impaktu ba mudansa produtividade industria, no bele hamosu industria foun bazeia ba teknolojia, hanesan daudauk saida mak ita haree iha nasaun dezenvolvidu sira, iha mundu.